Jólahátíð í Björk

Ný bók frá Sæmundi eftir Dórótheu Ármann. 

Látlaus frásögn af jólahaldi á miðri seinustu öld. Falleg og einlæg, kemur hverjum þeim sem les í sannkallað jólaskap. 

Tvísöngur (DUET)

Bókin Tvísöngur kom út á dögunum á vegum Sæmundar bókaútgáfu. Í bókinni heyrum við á tal doktor Berglindar Maríu Tómasdóttur og hinnar veraldarvönu Rockriver Mary sem deila líkama. Tvísöngur er samtal þeirra um tónlist og hefðir, hljóðfærin Hrokk og Lokk og hvað er satt og hvað er logið. Í bókinni eru rannsóknir á fræðasviði lista ofnar saman við persónulegar pælingar og sögur af eigin afrekum á tónlistarsviðinu.

Nýr höfundur!

Næturborgir eftir Jakub Stachowak er komin út hjá Bókaútgáfunni Sæmundur. Þetta er heilsteypt ljóðabók sem hverfist um sorg, söknuð, borgina og skáldskap. Bókin fékk nýræktarstyrk hjá Miðstöð íslenskra bókmennta.