Sérlega heillandi kápa

79 af stöðinni. Þetta er ein af þessum bókum sem við þykjumst hafa lesið en höfum kannski bara í mesta lagi séð bíómyndina eða vitum að það eru Gunnar Eyjólfsson og Kristbjörg Kjeld sem leika aðalhlutverkin. En einhvern veginn tekst þessari tæplega sjötíu ára gömlu bók alltaf að eiga erindi við lesendur samtímans. Eða er það ekki?

Í dag er dagurinn sem enginn hefur beðið eftir – símalausi dagurinn. Dagurinn er haldinn af Barnaheill og á honum eiga landsmenn að leggja frá sér símann og eyða deginum með fjölskyldu og vinum, í raunheimi. Fyrir þau okkar sem hafa gleymt því hvað er hægt að gera svona símalaus þá er þessi bók frá 1955 til sölu á Netbókabúð Bókakaffisins, 165 Indendorslege, eða 165 leikir eður skemmtanir til brúks innanhúss eins og hún hefði sjálfsagt fengið að heita hefði hún komið út í íslenskri þýðingu á ritunartíma sínum. Það er alveg víst að hér eru engir tölvuleikir eða nokkuð sem er til þess að sturla heilann heldur eingöngu símalaus skemmtun.