BÓKAKAFFIÐ Á SELFOSSI ER 15 ÁRA!
Í tilefni þess verður afmælisveisla laugardaginn 9. október.
Við bjóðum upp á 30% afslátt af öllum Sæmundarbókum, notuðum bókum og völdum titlum af barna- og fullorðinsbókum.
Leiklestur og fjör fyrir börnin verður frá kl. 14-15 í umsjón Heru Fjord, leikkonu á Eyrarbakka.
Kaffi og kruðerí í boði hússins – Allir velkomnir og við hlökkum til að sjá ykkur.
Allir velkomnir meðan húsrúm leyfir. Opið frá 12-18.
Bókakaffið, Austurvegi 22, 800 Selfoss
Það verður „satanískt“ útgáfupartí í Bókakaffinu í Ármúla 42 í Reykjavík næstkomandi föstudag, 1. október kl. 17.
Steinunn Arnbjörg Stefánsdóttir les úr nýútkominni ljóðabók Satanía hin fagra. Árni Óskarsson kynnir nýútkomna þýðingu á sakamálasögunni Örvænting eftir Vladimir Nabokov. Árni Matthíasson kynnir nýútkomið smásagnasafn frænda síns Skugga, Gaddavírsátið og aðrar sögur. Skáldið Jochum Eggertsson les en sá upplestur er leikinn af gömlum stálþráðarupptökum Ríkisútvarpsins.
Veitingar við allra hæfi, dans og almenn gleði.
Skemmtilegt viðtal við Auði Aðalsteinsdóttur er að finna á ruv.is. Þröstur Helgason ræddi við hana um nýútkomið rit hennar, Þvílíkar ófreskjar. Viðtalið var í þættinum Svona er þetta á Rás 1 og geta áhugasamir hlustað á þessari slóð. -> https://www.ruv.is/frett/2021/09/23/litil-stemning-fyrir-hauskupum-og-aftokum
Nokkur verka Evu Bjarnadóttur eru til sýnis í Bókakaffinu í Ármúla.
Eva Bjarnadóttir nam myndlist í Hollandi en býr núna á Fagurhólsmýri í Öræfum. Þar er hún með vinnustofu í gamla sláturhúsinu og vinnur hún mikið með efni tengdu því en sækir sér jafnfram efni í náttúruna í kring og hefur lúpínan, sem vex þar allt um kring, verið henni uppspretta margra verka. Hér eru nokkrar myndir af verkunum, en sjón er sögu ríkari og eru allir hvattir til að kíkja á sófahornið í Ármúlanum.Elín Gunnlaugsdóttir tók myndir á sýningunni.
Höfundarnir Gróa Finnsdóttir, Sölvi Sveinsson og Ingimundur Gíslason lásu upp úr nýjum bókum sínum í Bókakaffinu í Ármúla 42 fimmtudaginn 16. september kl. 17:00. Kaffi og kleinur voru í boði útgefanda og góð stemning meðal gesta.
Sölvi Sveinsson er lesendum að góðu kunnur fyrir margvísleg ritverk sín, endurminningar, ferðapistla og skrif um íslenskt mál. Í Lögum unga fólksins kveður hins vegar við nokkuð annan tón þar sem hin skáldlega æð fær útrás í hnyttnum smásögum sem þó snerta einnig á alvörumálum. Fortíðin er ekki langt undan, síðasta lag fyrir fréttir ómar úr gömlu Telefunken-útvarpstæki, fólk sýður bjúgu og hangikjöt; stöku menn halda kindur í fjárkofa heima við hús sín í bænum …
Hátíðin fer fram dagana 8.-11. september.Bókmenntahátíð í Reykjavík hefur starfað síðan árið 1985. Þessi huggulega hátíð er fundarstaður lesenda og höfunda og lifandi vettvangur umræðna um bókmenntir, skáldskap, þjóðfélagsleg málefni og ýmislegt fleira því bókmenntirnar snerta á mörgu og umfjöllunarefnin eru óteljandi. Ókeypis er inn á viðburði og þeir eru öllum opnir. Samtöl fara fram á ensku en upplestrar á móðurmáli höfunda.Í ár erum við sérstaklega spennt að heyra upplestur Egils Bjarnasonar en hann verður í Iðnó kl 19 föstudaginn 10.september.Egill Bjarnason er blaðamaður og höfundur og hefur fjallað um Ísland í fjölmiðlum víða um heim. Nýverið gaf hann út bókina How Iceland Changed the World: The Big History of a Small Island.
Ný bók frá Bókaútgáfunni Sæmundur!
Drengurinn sem dó úr leiðindum er
saga um nútímakrakka. Bestu
símarnir, skemmtilegustu
tölvuleikirnir og hangs á netinu er það
sem mestu máli skiptir í lífinu.
Heimur Kára Hrafns, venjulegasta tólf
ára stráks í heimi, hrynur þegar
foreldrar hans taka frá honum öll
snjalltæki og afhenda honum í staðinn
skærgulan farsíma sem hæfir bara
risaeðlum. Þá gerist það sem hlaut að
gerast:
Kári Hrafn hreinlega deyr úr
leiðindum!
Og hvað tekur þá við? Sagan fjallar
um vináttu, fjölskyldu og allt annað
milli himins og jarðar sem skiptir máli.
Guðríður Baldvinsdóttir er
sauðfjárbóndi og frumkvöðull í
Kelduhverfi. Hún hefur áður sent frá
sér barnabókina Sólskin með
vanillubragði.
Út er komin ljóðabókin Satína hin fagra
eftir Steinunni Arnbjörgu Stefánsdóttur.
Hræsnin mín
hvað væri ég án þín?
Dauð í niðurfalli,
rottunnar rotnandi hræ.
Ekki krosshangi:
hold hverfandi í svaðinu.
Vertu áfram hjá mér.
Satína hin fagra er fjórða ljóðabók
Steinunnar sem er tónlistarkona og skáld.
Bókakaffið hefur opnað nýja heimasíðu. Hér eru upplýsingar um fyrirtækið sem rekur tvær bókaverslanir, kaffihús, bókaútgáfu og netbókabúð. Og hér er einnig eitt mesta úrval nýrra og notaðra íslenskra bóka. Við leggjum okkur fram um leita uppi þær bækur sem viðskiptavinir óska eftir. Netbókabúð okkar hefur nú verið starfandi í 10 ár og fer vaxandi.
Á heimasíðunni birtast einnig fréttir af fyrirtækinu, gömlum dýrgripum og splunkunýjum útgáfubókum. En einnig almennar fréttir af bókmenntalífi landsmanna.
Vefurinn okkar notar fótspor (e. vafrakökur, cookies) fyrir nauðsynlega virkni og til að safna tölfræðigögnum í þeim tilgangi að gera síðuna okkar enn betri.
